Cabugao, Ilocos Sur - Maysa ti ili a Cabugao kadagiti 3 nga ili a napili iti 1st District, Ilocos Sur a pakairamanan ti Sto. Domingo ken Bantay a pakaiwayatan ti proyekto ti “Adaptation and Mitigation Initiative in Agriculture (AMIA) Phase 2 babaen iti International Center for Tropical Agriculture (CIAT), International Institute for Rural Reconstruction (IIRR) ken ti University of the Philippines Los Banos Foundation, Inc. (UPLBFI) a kinomisionan ti Department of Agriculture-Bureau of Agricultural Research (DA-BAR).
Daytoy a proyekto ket pasayaatenna ti serbisio iti agrikultura ta maadalan dagiti mannalon iti maipapan iti climate change.
Idi Nobiembre 8, 2016, nagtitipon dagiti napili a mannalon iti Cabugao Cultural and Sports Complex tapno pirmaanda ti pormas ti IEC Material On Climate Change a nakailanadan dagiti saludsod iti lengguahe a Tagalog a sungbatan dagiti respondent-farmers. Tinarabay dagiti kameng ti DA-LGU Staff dagiti UPLB Researchers agraman dagiti nainterbiu a mannalon.
Sakbayna, nakikoordinar dagiti nadakamat a UPLB Researchers iti nasao a proyekto iti Provincial Agriculture Office babaen ken ni Provincial Agriculturist Constante B. Botacion, Jr. ken nagkortesiada iti Opisina ni Mayor Josh Edward S. Cobangbang iti eskediulda ken yaayda ditoy nga ili kabayatan iti tallo nga aldaw (Nobiembre 8-11, 2016) a pannakaaramid ti trabahoda. # (Web In–Action)
No comments:
Post a Comment