Wednesday, November 9, 2016

SKILLS TRAINING ON HOLLOW BLOCKS MAKING, NAIRUGI

Cabugao, Ilocos Sur – Nairugi  ti tallo nga aldaw a  panagsanay dagiti Trainees a naggapu iti nadumaduma a barangay iti ili  a Cabugao, Ilocos Sur ket nairugi ti panagsanay idi  Nobiembre 8, 2016 ken agpatingga  inton  Nobiembre 10, 2016. Naangay ti umuna nga aldaw ti panagsanayda iti Cabugao Cultural and Sports Complex, Brgy. Rizal, Cabugao, Ilocos Sur.

Umabot ti 20   a Trainees  ti naiprograma nga agpartisipar kadaytoy a kurso nga igannuat ti Sustainable Livelihood Program (SLP)  ti DSWD-RFO 1, San Fernando City, La Union  ken iti LGU-Cabugao  nga idauluan ni Mayor Josh Edward S. Cobangbang para kadagiti makasapul ti panggedanda a marigrigat nga umili kadagiti Barangay ti ili.

Iti nasao  a panagrugi ti panagsanay, nagatendar da MSWD Officer Mrs. Lydia S. Gazmen; Mrs. Wilma S. Cruz, Focal Person ti SLP Cabugao; Miss Aida S. Cueto  ken ni Mr. Dennis P. Aguimbag, SLP-PDO ti SLP-DSWD. 

Dagitoy nga aksion ken inisiatiba ket paset iti pro-poor program ti LGU-Cabugao nga idauluan ni Mayor Josh Edward S. Cobangbang para kadagiti makasapul iti panggedanna nga umili.  # (Web In-Action)

No comments:

Post a Comment