Cabugao, Ilocos Sur – Segun ken ni Mr. Warren Sumibcay, ALS Mobile Teacher iti Alternative Learning System (ALS), Community Center, Brgy. Bonifacio, Cabugao, Ilocos Sur, a nanayonan iti dati a 76 a bilang ti agad-adal iti CY 2016 – 2017 iti pasdek a nakaibalayan ti pagbasaanda iti Cabugao South Central School, Brgy. Bonifacio, Cabugao, Ilocos Sur.
Innayon ni Mr. Sumibcay a nabingay ti eskediul a panagatendar dagitoy iti bigat ken malem kasta metten nga agingga iti aldaw ti Sabado iti panagklaseda. Insupusopna a dagiti modules wenno pakabuklan ti maadal ket naggapu iti Main Office ti ALS ket posible a dagitoy ti rummuar a pakabuklan dagiti saludsod iti maaramid a nasaknap nga eksaminasion dagiti Learners inton Enero 2017. Mairaman pay iti adalenda dagiti Current Events a mairamanto iti maipaeksamen kadakuada, segun pay iti Mobile Teacher.
Daytoy nga Accreditation and Equivalency Program ti DepED ket panggepna ti mangikkat iti pakaseknan iti illiteracy ken mangipakat iti zero dropouts kadagiti pagadalan iti benneg ti elementaria ken high school iti lokalidad. # (Web In-Action)
No comments:
Post a Comment