Cabugao, Ilocos Sur – Narambak ti panagselebrar dagiti umili ti Cabugao, Ilocos Sur iti Paskua 2016 partikular kadagiti Aldaw ti Disiembre 24 ken 25, 2016 a kangrunaan a maselselebraran babaen iti sapasap a panagrambak iti nagduduma nga aktibidades a kas iti panag-reunion, panagtitipon/panagiinniliw dagiti agkakabagian, panagpasiar iti sabali a lugar, panagpiknik kadagiti beaches ken resorts iti ili ken dadduma pay a kapadana a kannawidan a mangipakita iti naiget a panagselebrar iti tradision ti Paskua a tanda ti pannakaipasngay ti Mannubbot iti Sangkataw-an.
Idi rabii ti Disiembre 23, 2016, narambakan ti Christmas Party ti Pamilia-LGU ti Cabugao babaen iti panagrambak/panaglalanglang dagiti empleado ken Opisiales ti Gobierno Munisipal nga idauluan ni Mayor Josh Edward S. Cobangbang iti Cabugao Cultural and Sports Complex, Brgy. Rizal, Cabugao, Ilocos Sur.
Kabayatanna, iti “Rambak Kaaldawan Paskua” nga inggannuat ti Cabugao Catholic Church ket nakulminar babaen iti “Misa Rabii” (Midnight Mass) babaen iti panangidaulo ti LGU Cabugao ken ti Parish Pastoral Council.
Iti Disiembre 25, 2016 a “Kaaldawan ti Paskua”, naangay ti nasapa a Misa iti 6:30 A.M. ken simmaruno pay a Misa a nagatendaran dagiti umili.
Kanaig daytoy, maibatay iti rekord ti Municipal Police Station-Cabugao nga idauluan ni Police Senior Inspector Ramil Aquino Llarenas, Chief of Police, imbatadna nga awan ti narikut a napaspasamak kadagiti barangay ken iti Poblasion ket natalinaay ken naragsak ti panagselebrar ti Paskua 2016 iti intero a Munisipalidad ti Cabugao. # (Web Situational Report)
No comments:
Post a Comment