Cabugao, Ilocos Sur – Naaramid ti programa a pagselebrar iti panagkasangay ni Mayor Josh Edward S. Cobangbang iti karabiyan ti Disiembre 1, 2016 iti Cabugao Cultural and Sports Complex, Brgy. Rizal, Cabugao, Ilocos Sur.
Nagtugaw ti Birthday Celebrant, Mayor Josh Edward iti naipatengnga a tugaw iti entablado ket inimatangan dagiti naitaripnong nga umili iti uneg ti Complex ti pinangkablaawda/pinangiruknoyda iti Birthday Song agraman dagiti Municipal iti Ama ti Ili.
Nangipaay ti Pagyaman a Kararag ni Mrs. Lucila S. Somera, Empleado ti LGU-Cabugao sakbay a nairugi ti programa.
Iti Mensahe ni Mayor Josh Edward, kimmablaaw ken impeksana iti aglaplapusanan nga ayat, ragsak ken pinagyamanna kadagiti kailianna iti adu a kablaaw ken ti nabara a panagselebrarda kasta met iti LGU-Family, dagiti umili, kameng ti Pamilia, Gagayyem ken am-ammoda ken kasta metten dagiti Municipal Officials ken Barangay Officials a naitaripnong iti dayta a gundaway.
Nagpabuya ti sala dagiti Mayor Josh’s Angels a Taga-Munisipio. Kalpasanna, narugian ti panaglak-amda ti taraon ken naisagana a mainum dagiti amin a dimmar-ay iti birthday program ti Ama ti Ili.
Nasangaili iti nadakamat nga okasion da Ilocos Sur Vice Governor Jeremias “Jerry” C. Singson; San Juan Mayor Benjamin Sarmiento; Former Mayor Dely Soller-Tan; Mr. & Mrs. Jeremy S. Seguban; Pasado Mayor Edgardo “Ediboy” S. Cobangbang, Jr. ken ti Pamiliana; Kapitanes ken Opisiales ti Barangay nga idauluan ni ABC President Thaddeus “Teddy” U. Soller; Opisiales ken Kameng dagiti Asosasion iti nadumaduma a benneg ti kagimongan.
Nagpaay nga Emcee da Miss Mimi S. Sison ken ni Mr. Kevin S. Somera. # (Web In-Action)
No comments:
Post a Comment