Wednesday, December 28, 2016

CHRISTMAS PARTY TI BRGY. OFFICIALS, NAANGAY IDIAY BRGY. SALAPASAP

Cabugao, Ilocos Sur – Naangay ti Christmas Party dagiti Opisiales ti   33 a barangay ti Munisipalidad ti Cabugao nga idauluan ni ABC Thaddeus  “Teddy”  U. Soller idi Disiembre 27, 2016  idiay Brgy. Salapasap, Cabugao, Ilocos Sur.

Buklen dagiti nagpartisipar dagiti Opisiales ti Barangay ken Opisiales ti Ili nga idauluan ni Mayor Josh Edward S. Cobangbang.

Naluktan ti selebrasion babaen iti Ababa a Kararag a naidaton. Impaay ni Brgy. Captain Thaddeus “Teddy”  U. Soller iti pammasangbay a balikas.

Kangrunaan a nangpangayed ti panagrambak ket  iti pannakabunot dagiti numero iti naaramid a Raffle Draw a nakaitedan dagiti papremio.

Naipabuya pay dagiti presentasion dagiti Opisiales ti Barangay. 

Nangted ti  Mensahena  ti Paskua ni Mayor Josh Edward  ket kimmablaaw ken nagyaman  kadaytoy a tinawen a  panagtitipon dagiti  barangay officials a mangselebrar ti Paskua. Impeksa ti Ama ti Ili ti ragsak ken ayatna a  makipagrambak  kadakuada. Innayon ti Alkalde Munisipal a kaduana ti Pamiliana a mangipeksa iti nabara a kablaaw para iti Naragsak ken Narambak a Paskua ken Nagasat a Baro a Tawen ti amin.

Nangted met ti pang-aginaldoda   a  mai-raffle dagiti Opisiales ti Ili  a 
nangparagsak iti selebrasion ti panagtitipon.

Nakikaysa met iti panagtitipon da Vice Mayor DJ Savellano; SBM Danny Q. Gazmen; SBM Vicky S. Serna ken ni SBM Dr. Jemaima S. Tan-Yee.

Naited  pay kadagiti Opisiales ti barangay dagiti    sagut a naawatda iti selebrasion ti Paskua 2016.  # (Web In-Action)

No comments:

Post a Comment