Cabugao, Ilocos Sur - Naaramid ti Nasantoan a Misa a kas pakauna a pagselebrar iti pinangrambak ti Piesta ti Barangay Baclig ket narugian idi Disiembre 12, 2016 iti mismo a Barangay Hall ti nadakamat a barangay.
Sakbayna, nailibut ti Imahen ni Birhen Santa Maria iti kalsada ti barangay a nagpartisiparan dagiti lumugar ken Opisiales ti Barangay ken nadumaduma nga Asosasion a masarakan iti las-ud ti Barangay.
Maang-angay ti tinawen a panagselebrar ti Barangay Baclig ti panagpiestana babaen iti panangipanayag-na ti Patron-na a ni Birhen Santa Maria.
Narugian metten iti Basketball Competition ken ti Popularity Contest iti Day Care Pupils a mangparambak iti aktibidades iti kaaldawan ti panagpiesta a maiyeskediul inton Disiembre 27-28, 2016 iti mismo a Barangay Hall ken Barangay Auditorium.
Agyaman ni Brgy. Captain Carlos V. Sison iti amin a tumultulong ken tumabuno iti panagpiestada iti Barangay Baclig kadagiti nadakamat a petsa. # (Web In-Action)
No comments:
Post a Comment