Cabugao, Ilocos Sur – Naangay ti pannakaselebrar ti Christmas Program 2016 Raffle Bonanza ti Cabugao North Central School idi Disiembre 21, 2016 iti Cabugao Cultural and Sports Complex, Brgy. Rizal, Cabugao, Ilocos Sur a nagatendaran dagiti ubbing nga agad-adal, mangisursuro, nagannak, bisita, PTA Officials.
Naawis ni Mayor Josh Edward S. Cobangbang a nangted ti Mensahena para iti selebrasion ti Paskua 2016.
Panglukat a sarita ti impaay ni PTA President Nerio S. Lopez. Kimmablaaw ken nagyaman ta nadanonan manen ti panagrambak ti sangkataw-an iti pannakaipasngay ti Naindaklan a Mannubbot.
Naiballaet dagiti Intermission Number (kanta ken sala) manipud kadagiti Grade Levels. Naaramid pay dagiti Surprise Number dagiti Mangisursuro ken Opisiales ti PTA.
Iti Mensahe ni Mayor Josh Edward, kimmablaaw ken naragsak a nakikaysa iti narambak a panagselebrar ti Cabugao North Central School iti pannakayanak ti Naindaklan a Mesias. Pinadayawan ni Mayor Josh Edward ti kinaregta dagiti ubbing, Teachers, agad-adal ken nagannak/Guardians ket awan ti pangisukatanna iti napintas a timpuyogda iti pageskuelaan ken iti panagkaykaysada a mangpasayaat ti pagadalanda ken napintas a pannakikammayetda iti Gobierno Munisipal para iti pagimbagan ti Sektor-Edukasion.
Bininsa ti Ama ti Ili ti pateg ti panangiburay ti Ayat ken Sagut a kas maysa a napateg a ramen iti natunos a kagimongan ti umili iti Cabugao, Ilocos Sur.
Naipabuya dagiti insagana dagiti Grade Levels Presentatation. Naipabuya pay dagiti Mass Dance nga imparangda manipud Kindergarten agingga iti Grade VI.
Nangted met ti Mensahena ni Mrs. Estrellita M. Siruno, Principal II, Cabugao North CS ket bininsana ti pateg ti ayat ken panagsisinnagut ita a panawen ti Paskua.
Closing Remarks ti binagi ni Mrs. Evangeline U. Seatriz, Master Teacher II iti nasao a pagadalan. Nagyaman iti amin a nagatendar ken iti naballigi a selebrasion ti Paskua 2016 ditoy a pageskuelaan.
Naaramid ti Raffle Bonanza. Nagited met ti Papremio ni Mayor Josh Edward ken bimmunot pay iti tambiolo. Naragsak dagiti napagasatan a nangabak.
Nagpaay nga Emcee da Ms. Cherry Argelyn S. Acacio ken ni Ms. Emely F. Bayona. # (Web In-Action)
No comments:
Post a Comment