Cabugao, Ilocos Sur – Naaramid ti 2016 Christmas Program and Raffle Draw ti CJ Philippines idiay Cabugao Cultural and Sports Complex, Brgy. Rizal, Cabugao, Ilocos Sur idi Disiembre 10, 2016 a no sadino a ditoy ket inatendaran dagiti kostumer ti nasao a kompania iti lokalidad agraman dagiti umili ti Cabugao, Ilocos Sur.
Buklen pay dagiti nagatendar dagiti pannakabagi ti CJ Philippines iti Ilocos Norte; Ilocos Sur; La Union ken ti Abra.
Naaramid ti Opening Program; Snacks Time ken Lunch Break.
Iti naaramid a Raffle Draw, napagasatan ti partisipante a Taga- Sarrat, Ilocos Norte a nakabunot ken nangabak iti “Pamaskong Multicab” a papremio ti CJ Philippines iti 1 Unit Multicab iti Grand Prize; kasta metten a na-draw ti 1st Prize, 5 Units TMX 125; 2nd Prize, 5 Units Samsung LED TV 32”; 3rd Prize, 5 Units 5 Cu. Feet, Sanyo Refrigerator; Consolation Prize 1, 25 Pieces Desk Fan; Consolation Prize 2, 25 Pieces CJ Feed Umbrella.
Ti CJ Philippines ket maysa a pribado a kompania a tumultulong iti pannakaipromot dagiti pagsayaatan iti industria ti Livestock iti lokalidad partikular iti CJ Feed Products (Hog and Poultry Lines) ken uray iti animal health care program.
Nakikaysa iti nadakamat a CJ Christmas Program da Mr. Jeremy S. Seguban ken ni Mrs. Juliet A. Seguban nga akinkukua ti 5 Js Seguban Agriventures; Pasado Mayor Edgardo “Ediboy” S. Cobangbang, Jr. ken ni Mrs. Jerlie Seguban-Cobangbang; kasta metten da Mr. & Mrs. Jeremy A. Seguban, Jr. Nagatendar pay ti Presidente ti CJ Philippines ken dagiti Staff-na.
Kabayatanna, idi Marso 23, 2016, naaramid ti 3-Day Training ti 100 a 4 Ps Beneficiaries iti Barangay Aragan, Arnap. Bato, Cael-layan, Catucdaan, Cuantacla, Cuancabal, Daclapan, Dardarat, Lipit, Maradodon, Marga-ay, Nagsincaoan, Namruangan, Pila, Pug-os, Quezon, Reppa-ac, Rizal, Sagayaden, Sisim, ken Turod, Cabugao, Ilocos Sur maipapan iti Hog Fattening babaen iti pannakipaset ti CJ Philippines iti LGU-Cabugao ken iti DSWD-RFO 1 kasta metten iti pannakitinnulong ti 5 Js Seguban Agriventures nga idauluan ni Mrs. Juliet A. Seguban iti nadakamat a seminar.
Nakikaysa met idi da Mr. Recson Villacillo, CJ Philippines Senior Regional Manager; Mr. Aldrex Belaras, District Manager, Abra ken ni Ms. Renalyn Biding, District Manager, Ilocos Norte.
Kasta metten nga idi Enero 24, 2012, nakikammayet dagiti Livestock Technician ti CJ Philippines, Inc. iti Munisipio babaen iti “Veterinary Mission” ket nagturong ti grupoda iti Barangay Namruangan, Cabugao, Ilocos Sur a nagbakuna iti dinguen nga aso. Umabot ti 100 nga aso, 3 bulan nga agpangato, nasalun-at ken saan a masikog, ti napakapetan ti bakuna.
Dagiti Teknisian ti CJ Philippines, Inc. a kadua ni Dr. Castro a nagbakuna:
•Joey Tadena
•Harvey Salgado
•Lester Lucero
•Edmund Macabeo
•Baltazar M. Bajo, Jr.
•Eliazar Ramos
•Dr. Julius C. Pronuevo
Kanaig daytoy, idi Enero 25, 2012 met laeng, immay iti Munisipio dagiti Beterinario a Doktor a naggapu iti DA-RFO 1, San Fernando City, La Union ket intedda ti animal rabies vaccine a pakaibakunaan ti 1,000 nga ayup/taraken, segun iti Team Leader-da. # (Web In-Action)
No comments:
Post a Comment