Cabugao, Ilocos Sur – Naangay ti Christmas Program 2016 ti Cabugao Senior Citizens iti Barangay Rizal, Cabugao, Ilocos Sur idi Disiembre 17, 2016.
Sakbayna, nasapa a napan nakimisa iti Cabugao Catholic Church dagiti kameng sada nagtarus iti Rizal Park, Brgy. Rizal. Cabugao, Ilocos Sur a nakaangayan ti programa ken selebrasion.
Opening Prayer ti inakem ni Dr. Romeo Pira; Pambansang Awit ken Cabugao Hymn ti indauluan ni Ms. Corazon Suboc.
Nagsarita ni Brgy. Captain Thaddeus U. Soller. Kinablaawanna dagiti nataengan iti gannuatda a panagselebrar iti pannakayanak ti Naindaklan a Mesias.
Nangipaay ti Mensahena ni Mayor Josh Edward S. Cobangbang. Kimmablaaw ken nagyaman ta makipagkaykaysa met a makipagselebrar iti Pannakaipasngay ti Naindaklan a Mesias. Dinayawna ti tunos dagiti nataengan a makidanggay iti amin nga aktibidades nga igannuat ti Munisipio.
Naisaganad ti pannakaaramid ti Raffle Draw. Indauluan da Mayor Josh Edward ken ni ABC President Thaddeus U. Soller iti nagited iti papremio. # (Web In-Action)
No comments:
Post a Comment