Cabugao, Ilocos Sur – Naaramid ti pannakaiwaras ti Sagot a Kantidad a naggapu kadagiti naayat a Kakailian idiay Pagilian ti Amerika.
Umabot ti 150 a bilang ti Umili/Pamilia a naggapu iti nadumaduma a barangay ti napagasatan a nakaitedan ti sag-P1,000 ti tunggal Pamilia babaen iti panangibunong ti Opisina ti MSWDO nga idauluan ni MSWD Officer Mrs. Lydia S. Gazmen idi Disiembre 16, 2016 ditoy Munisipio.
Nakikaysa ni Mayor Josh Edward S. Cobangbang kadagiti maseknan a nakaawat ket nakipagmaymaysa kadakuada a nangipeksa iti panagyamanda kadagiti Naayat a Kakailian nga agnanaed idiay Pagilian ti Amerika ta no kaskasano ket mataliawda met iti nagtaudanda a lugar ken dagiti kakailianda a kaikarianda iti maikkan iti tulong.
Impeksa met dagiti Benepisiario iti nalaus a panagyamanda kadagiti nagited iti sagut kasta metten iti LGU-Cabugao nga idauluan Mayor Josh Edward S. Cobangbang iti agtultuloy a pannakatarabayda. # (Web In-Action)
No comments:
Post a Comment