DISTRICT MATH FESTIVAL 2016, NAANGAY ITI CABUGAO SOUTH CS

Cabugao, Ilocos Sur – Naangay  ti 2016 District Math   Festival para iti 26 a pageskuelaan ti Cabugao DepED District a nakabuklan ti 26  a napili nga agad-adal nga agkokontes itay nabiit iti Social Hall ken School Rooms iti Cabugao South Central School, Brgy. Bonifacio, Cabugao, Ilocos Sur a nangkuyogan dagiti nagannak/Guardians kadagiti ubbing  a nangipakita iti kabaelanda iti pannakisalipda kadaytoy nga asignatura.

Umuna a naangay ti ababa a programa iti Social Hall  sakbay a naaramid ti Contest Proper a pakabuklan ti Math Quiz, Damath Competition, Math Relay, Rubik’s Cube Challenge, Suduko Challenge ken ti Teachers Category. 

Nag-Welcome Message ni Mrs. Melvi S. Sajonia, Principal II, Cabugao South Central School. Presentation of Participants ni Mrs. Filipina  P. Serrano, School Math Coordinator, CSCS ken Orientation ti binagi ni Mr. Rodel P. Suniega, District Math Coordinator.  

Nangipaay ti Inspirational Message ni Mayor Josh Edward S. Cobangbang. Kimmablaaw ken nagyaman kadagiti ubbing a Math Wizard, mangisursuro ken nagannak a nakitaripnong iti nadakamat a Festival. Dinayaw ti Ama ti Ili iti kinaregta dagiti nagannak ken mangisursuro a manghulma kadagitoy nga ubbing nga agbalin a naresponsable ken pakaidaydayawan ti eskuela ken iti ili. 

Nadutokan dagiti Math Quiz Examiners manipud Grade 1 agingga iti Grade VI ken napusgan dagiti Damath Arbiters nga idauluan ni Mrs. Evangeline Garcia, Chief Arbiter ken tallo a kameng iti Level 1 ken dua a kameng iti Level 2.

Sakbayna, nasanay dagiti napili nga ubbing iti tunggal pageskuelaan a maikontes iti MTAP, Math Quiz ken Math Challenge a nakasagatan dagiti dakkel ti kabaelanna/potensialna  nga ubbing  a makikontes.

Nagpaay a Judges iti Improvised Teaching Materials for Mathematics da Mrs. Estrellita M. Siruno, Chairman; Miss Jennifer D. Savellano ken ni Mr. Delfin Irorita, agpada a Members.

Dagiti Math Relay Facilitators ket isuda Mrs. Melchora Sonico,  Chairwoman; Mr. Gilbert Asuncion, Chairman ken nagpaay a Miembros da Mrs. Delia Reintar; Miss Gemma Ponce; Mrs. Agnes Balisacan; Mrs. Helen Savella ken ni Mr. Regalado Tabudlo.

Daytoy a programa ket paset ti panangpadigem ti kabaelan dagiti ubbing babaen iti panangirusat ti Departamento ti Edukasion (DepED) tapno maisaganada para iti masanguanan a pannakatennebda pay iti daytoy a paglaingan dagiti agbasbasa.

Kalpasan ti Contest Proper, naipakaammo dagiti nangabak nga ubbing ket naited dagiti Awards ken Certificates-da  iti nakisalipanda.  # (Web In-Action)