Cabugao, Ilocos Sur – Naangay ti Pay-out wenno pannakaited ti Social Pension ti 680 a Beneficiaries (babbaket ken lallakay) a kameng ti Senior Citizens ti ili a Cabugao ket inawatda ti 4rth Quarter ti 2016 (Oktubre-Disiembre) a pensionda manipud iti DSWD RFO 1. Naangay ti Pay-out iti Rizal Park, Barangay Rizal, Cabugao, Ilocos Sur idi Disiembre 21, 2016.
P500 ti kada bulan ti naituding nga awaten ti maysa a Beneficiary.
Pakabuklan ti tallo a bulan (P1,500) ti naawatda iti tunggal maysa ket agdagup iti P1,020,000 iti dagup ti naited kadagiti nag-pension a nataengan a naggapu kadagiti barangay ti ili.
Indauluan ni Mrs. Lydia S. Gazmen, Municipal Social Welfare Development Officer dagiti kakaduana a nangtarabay kadagiti Pay-out Team ken kadagiti nataengan nga immay nangala ti pensionda ditoy Parke. Timmulong dagiti Personnel ti Municipal Treasurer’s Office a nagasikaso kadagiti nataengan a mangala iti pensionda.
Nagatendar ni Mayor Josh Edward S. Cobangbang iti nadakamat a Payout.
Iti Mensahena, kimmablaaw ken nagyaman ni Mayor Josh Edward iti amin a nagatendar iti Pay-out. Bininsana ti pateg dagiti maited a pribilehio kadagiti Senior Citizen. Innayon ti Ama ti Ili nga ulitenna ti agyaman ta adda maibadang kadagiti nataengan ta maibilangda kadagiti sektor a makikamkammayet iti Gobierno Munisipal. Kayatna nga ipasagepsep iti amin nga umili ti Cabugao iti pateg ti panangasikaso kadagiti nataengan ta agbalin a nataengan ti amin a tao ket kayatna a manaynayonan dagiti programa a maited a pagsayaatan dagiti Senior Citizen
tapno ad-adu ti mabenepisiaran ken nalawlawa iti masakupan ti programa ti DSWD a kapartner ti LGU. # (Web In-Action)
No comments:
Post a Comment