Cabugao, Ilocos Sur –Imbatad ni Mr. Warren Sumibcay, Mobile Teacher ti Alternative Learning System (ALS), Community Center, Brgy. Bonifacio, Cabugao, Ilocos Sur nga adda 35 a bilang ti Out-of-School-Youth (OSY) a nagenrol iti ALS Equivalency Program ti DepED Cabugao District iti CY 2017-2018.
Sakbayna, naipakaammo iti panagpaheristro dagiti maseknan nga agtutubo iti amin a barangay ti ili ken kasta metten a naiyendorso kadagiti Opisiales ti Barangay a mangberipikar kadagiti non-schooler/drop-outs tapno maibaonda nga agadal iti ALS ita a Tawen 2017-2018.
Babaen iti agtultuloy a pannakaitandudo ti ALS Program ken iti adun a napagturpos ti DepED nanipud nangrugi idi Tawen 2004 ken agingga ita a Tawen 2017 ket nasaknapen a dumur-as daytoy a programa ti Edukasion iti ili a Cabugao, Ilocos Sur.
Insupusop ni Mr. Sumibcay a babaen iti itutulong pay dagiti nagannak ken agad-adal a kaduana a mangisaknap ti napintas a damag ket in-inut a makombinsir ti amin nga umili a di nagturpos iti elementaria ken high school a makipaset kadaytoy a napateg a programa tapno matun-oyan ti naan-anay a literacy rate kadagiti amin a barangay ken umili. # (Web In-Action)
No comments:
Post a Comment