Cabugao, Ilocos Sur – Imbatad ni Mr. Robert S. Savella, Municipal Agriculturist nga itultuloyda ti agpatanor/agurnong iti iti agduduma a seedlings tapno adda latta madadaan a maimula kadagiti aktibidad ti Tree Planting iti panagmumula a bulan ita a Tawen 2017.
Nupay kasta, mangnamnamada met a tumulong dagiti Barangay a mangpaadu ti nagyan dagiti Nurseries iti eskuela (Elementaria ken High School) ken Barangay tapno adda katulonganda a mang-propagate iti umdas a seedlings a kasapulan a maimula iti aniaman a maisayangkat a Tree Planting Activity.
Dagitoy nga aksion ken inisiatiba ket resulta iti agtultuloy a pannakaitandudo ti panangpaberde iti aglawlaw babaen iti panangilungalong ti Gobierno Munisipal nga idauluan ni Mayor Josh Edward S. Cobangbang kadagiti panagmumula a bulbulan. # (Web In-Action)
No comments:
Post a Comment