Cabugao, Ilocos Sur – Naangay ti Monthly Regular Meeting dagiti Opisiales ti Cabugao Federated Farmers Association iti Hunio 6, 2017 iti Early Childhood Care Development Building, Brgy. Rizal, Cabugao, Ilocos Sur.
Indauluan ni Mr. Elmer Guerrero Bromeo, Federated President dagiti nagmiting a Presidente ken timmulong dagiti pannakabagi ti DA-LGU Staff iti panangidaulo ni Municipal Agriculturist Robert S. Savella. Dagiti sumaganad nga Agenda iti tinamingda:
1. Pannakatratar dagiti posible a pagbulodan dagiti mannalon iti pagpuonanda nga agtalon iti Wet Season 2017. Nangmiting ti Management Staff iti Sta. Cruz Savings and Development Cooperative kadagiti dadaulo ti mannalon.
2. Nangipaay ti pammatigmaan ni ABC President Thaddeus “Teddy” U. Soller kadagiti Opisiales ti mannalon pakaseknan iti panagbulodan ti puonan kadagiti institusion-pinansial ken timmulong a nakipagtaming kadagiti parikut a naidatag iti miting.
3. Pinadayawan ni SBM Atty. Randy B. G. Kinaud, Committee Chairman on Agriculture dagiti dadaulo ti mannalon iti naballigi a partisipasion dagiti mannalon iti kalleppas nga “Agriculture Day” iti panagpiesta ti ili idi Abril 21-28, 2017. Inkumit ti Konsehal a sisasaganada a mangaksion iti pagpandayan ti linteg dagiti panggep a mangpasayaat pay iti kasasaad dagiti adda iti salinong ti Sektor-Agrikultura ti ili.
4. Pinalagipan ni MPDC Florante S. Jara dagiti dadaulo ti mannalon iti panangi-prayoridadda iti singasingda kadagiti umisu a maaramid a proyekto iti barangay a daytoy ti pakabuklan iti panagplano para iti Annual Investment Plan ti Munisipio. Impakaammo pay ti MPDC iti maiprosproseso ken masanguanan a pannakaibanag ti pundo a maitulong kadagiti mannalon iti pakaseknan ti libre a ganagan.
Naballigi pay a napagpapatangan dagiti dadduma nga Agenda ken pakaseknan dagiti mannalon iti pannakaitultuloy ti mitingda agingga a na-adjourn iti 11:40 A.M. # (Web In-Action)
No comments:
Post a Comment