Cabugao, Ilocos Sur – Naangay ti Meeting ti Association of Barangay Captains (ABC) iti Early Childhood Care Development Center (ECCD) Building idi Hunio 7, 2017. Ni ABC President Thaddeus “Teddy” U. Soller ti nag-Preside iti nasao a miting.
Naiyam-ammo ti baro a Chief of Police iti Municipal Police Station ti ili a Cabugao, Ilocos Sur a Taga-San Esteban, Ilocos Sur.
Naipakaammo met iti pakaseknan ti programa ken serbisio a kayat nga ipadanon ti Municipal Health Office kadagiti Punong Barangay.
Kangrunaan a paset ti miting ket iti panangilawlawag dagiti pannakabagi ti Development Bank of the Philippines (DBP)-Cabugao Branch iti programada ken proseso a masurot iti panagdeposito ken transaksion iti banko pakaseknan a partikular iti pinansial nga aspeto ti barangay.
Impakaammo ni ABC President Teddy Soller a maangay ti Joint Meeting dagiti Punong Barangay ken dagiti Barangay Treasurer inton Hunio 16, 2017 pakaseknan iti pannakinamingda iti programa ti DBP.
Kasta metten a naipakaammo iti pannakipartisiparda iti Bloodletting Activity a maaramid iti Municipal RHU inton Hunio 30, 2017.
Nagsarita met ni MLG Officer Constancia “Connie” L. Quinola ti LGU-Cabugao ket inyunay-unayna iti sag-9 a pannakabagi dagiti barangay nga agatendar iti nagkatlo-eskediulan a paseminar ti DILG inton Hunio 13,14 ken 15, 2017 ditoy pasdek ti ECCD.
Naballigi met a napagnunumuan dagiti dadduma pay a pakaseknan dagiti Barangay ken Kakapitanes a nagatendar ken iti Pederasion. # (Web In-Action)
No comments:
Post a Comment