Cabugao, Ilocos Sur – Naangay ti panagturpos dagiti 30 a mannalon (Farmer Partners) iti proyekto a napauluan: “Farmers Field School-Corn Category” a nagbuligan nga inyimplimentar ti DA-RFO 1, San Fernando City, La Union nga idauluanen ni Regional Executive Director Narciso A. Edillo, MA, OPAG-Ilocos Sur ken kasta metten ti LGU Cabugao nga idauluan ni Mayor Josh Edward S. Cobangbang.
Daytoy a proyekto ket inaramid dagiti Mannalon (Farmer-Cooperators ti Brgy. Salapasap, Brgy. Namruangan, Brgy. Rizal ken iti Barangay Baclig kasta metten a tinarabay ti DA-LGU Staff nga idauluan ni Municipal Agriculturist Robert S. Savella.
Naangay ti Graduation Exercises idi Hunio 14, 2017 iti Palay Shed Building, BACALL MPA, Sitio Lusong Suyo, Brgy. Baclig, Cabugao, Ilocos Sur. Aglawa ti 1,500 metro-kuadrado iti Learning Field ti proyekto a nakaaramidan ti 6 a wagas ti panagasikaso (Treatments), segun ken ni Mr. Daproza.
Iti umuna a parte ti programa ket naaramid ti Invocation ken nakanta ti National Anthem kasta metten ti Cabugao Hymn. Naisaruno ti Acknowledgement of Guests, Visitors and Participants babaen ken ni Mr. Nereo S. Daproza, FFS Facilitator. Opening Remarks ti binagi ni Kagawad Joseph Azcueta, Committee Chairman on Agriculture. Inawis ti Konsehal ti sibubukel a naitallaong ken dagiti kabarangayanda iti Brgy. Baclig nga adaptarenda manen daytoy a nairusat a proyekto nga inted ti DA.
Naisaganad ti Presentation of Result of the Study ken pannakaibalikas dagiti impresion dagiti FFS Participant iti nagun-odda nga adal iti panagbasada iti FFS-Corn.
Nangted met ti Mensahe ni Ms. Wilma Ibea, Center Chief, DA Ilocos Provincial Office, Batac City. Anag ti Mensahena iti agtultuloy a napintas a panangawat ti ili a Cabugao kadagiti programa ti DA iti pakaseknan ti mais ken iti agtultuloy a tarabay/pannakikammayet ti LGU-Cabugao a partnerda iti pannakatulong dagiti mannalon.
Naisaganad ti Acceptance of Graduates ket indauluanda Ms. Wilma Ibea agraman dagiti Opisiales ti DA a nangited ti Certificates kadagiti naggraduar a mannalon ti mais.
Nangipaay ti Intermission Number dagiti FFS Corn Graduates.
Nagmensahe met ni Brgy. Captain Carlos V. Sison ti Barangay Baclig. Nagyaman kadagiti Opisiales ti DA ken ti LGU-Cabugao nga idauluan ni Mayor Josh Edward S. Cobangbang iti agtultuloy a pannakatarabay dagiti mannalon ken iti panagballigi ti pannakairubuat daytoy a programa para iti mais.
Da Mr. Nereo S. Daproza ken ni Ms. Katrene Joy Tapuro, agpada nga AT iti nagserbi nga FFS Facilitators. # (Web In-Action)
No comments:
Post a Comment