Cabugao, Ilocos Sur - Ti Municipal Government ti Cabugao, Ilocos Sur nga idauluan ni Mayor Josh Edward S. Cobangbang babaen iti implementing arm-na nga iti Municipal Disaster Risk Reduction Management Council (MDRRMC) ket nangaramid ti earthquake drill sadiay Lipit National High School, Barangay Lipit, Cabugao, Ilocos Sur idi Hunio 29, 2017.
Babaen iti uni ti alarma, dagiti estudiante ken agad-adal iti Lipit National High School ken ti Lipit Elementary School kas panagsaganadda ket naikkanda iti pammilin a rummuarda kadagiti kuartoda ket simmaruno a nagtignay dagiti kameng ti search and rescue personnel operation team a buklen dagiti kameng ti Cabugao Rescue a mangbukel ti MDRRMC nga idauluan ni LDRRMC Officer Engr. Nestor B. Somera a nagturong kadagiti kuarto a pangkitaanda kadagiti nagakem a biktima iti ginggined a nairekord iti Richter Scale 7.2.
Tinulongan dagiti kameng ti Municipal Police Station nga idauluan ni COP Police Chief Inspector Augusto P. Cabello, Jr. ken iti Bureau of Fire Protection (BFP)-Cabugao nga idauluan ni Fire Marshal Elmer C. Acapuyan ken kasta metten a tinaming dagiti kameng ti Medics nga ibagian dagiti Personnel iti RHU-Cabugao dagiti natakuatan/nairuar a biktima ket naipanda iti Stage Area ken iti Incident Command Post. Napakatan iti First Aid dagiti biktima a kas koma iti nadidigra iti leg injury; eye injury; unconscious and shallow breathing; wound arm; ken fractured leg. Dagiti nakaro ti pannakadangranna ket nailuganda iti dua nga agur-uray nga ambulansia tapno maipan iti ospital. Sistematiko iti gunay dagiti Rescuers a nagmobilisar iti pasamak.
Kabayatanna, ti ceremonial venue iti national drill ket naangay idiay Davao City babaen iti panangidaulo ni DILG Officer-in-Charge Catalino S. Cuy.
Naipaganetget iti sapasap iti pannakipasetda iti information drive a masasao a “Bida ang Handa Campaign” babaen iti panangiyuna iti Office of Civil Defense (OCD) itatta a Tawen 2017.
Ti “#BidaAngHanda” ket opisial a “hashtag” ita a tawen ti 2017 National Simultaneous Earthquake Drill (NSED).
Ti #BidaAngHanda campaign ket panggepna a tukayen ti partisipasion iti sapasap babaen pay iti pannakausar ti social media babaen iti posting; photo wenno video para iti panagsagana babaen iti pagsasao nga: “Magda-DUCK-COVER-HOLD kami sa June 29, 2PM! Dahil bida ang handa!”.
Naballigi ken natunos dagiti estudiante ken agad-adal agraman dagiti mangisursuro kadagitoy a pageskuelaan a nakikaysa kadagiti nangipatungpal iti earthquake drill iti Munisipio ti Cabugao. # (Web In-Action)
No comments:
Post a Comment