Friday, June 2, 2017

TAGA-CABUGAO TI NAGBALIN A FISHERFOLK DIRECTOR IDI MAYO 2017

Cabugao, Ilocos Sur – Nadutokan ni Dardarat Former Barangay Captain Danny S. Garcia iti awag a “Mangingisdang Director”  iti intero a bulan ti Mayo 2017 iti BFAR Region 1 babaen iti National Fisherfolk Director’s Program ti Bureau  of Fisheries and Aquatic Resources (BFAR). 

Inyendorso isuna ti Integrated Fisheries and Aquatic Resources Management Council (IFARMC) iti uppat a probinsia ti Region 1 babaen iti naaramid a criteria/selection  process.

Sakbayna, napadayawan ni Mr. Garcia idi  Oktubre 20, 2014 babaen iti LGU-Cabugao iti Administrasion ni Mayor Edgardo “Ediboy” S. Cobangbang, Jr. ket naited kenkuana ti Plake a Pammadayaw a naggapu iti Bureau of Fisheries and Aquatic Resources (BFAR)-RFO 1. Inyawat ni Mayor Ediboy ken ni Mr. Garcia ti Plake  iti imatang ti Pamilia-LGU  ken dagiti Municipal Officials  iti sango ti Munisipio.

Kinuna ti Ama ti Ili nga iti agtultuloy a pannakaigamulo ni Mr. Garcia a kas pangulo iti Fishermen Association, pangulo iti Municipal Fisheries and Aquatic Resource Management Council (MFARMC) ti Cabugao  ken  Chairman, Integrated Fisheries and Aquatic Resource Management Council ti Probinsia ti Ilocos Sur   ket  adu ti nagapuananna ken pagsayaatan a nagun-odna a nakairamanan dagiti kalugaranna ken  ti sibubukel nga umili ti Cabugao, Ilocos Sur. 

Daytoy a pannakapadayaw ni Mr. Garcia iti agdama ket naipakaammo sakbayna  manipud ken ni BFAR 1  Regional Director Nestor D. Domenden, CESO IV iti  Opisina ni Mayor Josh Edward S. Cobangbang.  # (Web In-Action)

No comments:

Post a Comment