Cabugao, Ilocos Sur - Naaramid ti pannakaited iti 2nd Tranche (Tseke) kadagiti nadadaelan ti pagtaenganda nga umili manipud iti 33 a barangay ti ili a Cabugao, Ilocos Sur. Naaramid ti Pay-out idi Oktubre 20, 2017 idiay Cabugao Cultural and Sports Complex, Barangay Rizal, Cabugao, Ilocos Sur.
Sakbay daytoy, ti Ahensia ti DSWD-Region 1 ket rinuk-atanna nga immuna ti tulong iti tunggal nadadaelan ti balayna a residente (partially/totally damaged).
Ti nadakamat a Cash Assistance a maited ket mangtulong kadagiti nabiktima iti supertyphoon a mangbangon kadagiti pagtaenganda a dinadael ti maysa kadagiti karanggasan a bagyo a nangsaplit ti pagilian ti Pilipinas idi Oktubre 2016.
Sakbay daytoy 2nd Tranche, nakikaysa dagiti Supertyphoon Lawin Beneficiaries ditoy nga ili iti naaramid a panagrehistro/panagenrol iti Landbank Cash Card/Prepaid Card Form nga inwayat ti MSWDO ti Cabugao ditoy Munisipio iti kallabes babaen iti panangidaulo ni MSWD Officer Mrs. Lydia S. Gazmen tapno maestudiar dagiti papelesda dagiti nadadaelan sakbay a makualipikarda nga umawat iti Cash Assistance nga ited ti DSWD.
Idi Oktubre 20, 2017, umabot iti 750 a Beneficiaries ti immawat iti kantidad nga P6,050 ti tunggal maysa ken umabot iti P4,537,500 ti dagup ti naited a tulong kadayta nga aldaw. # (Web In-Action)
No comments:
Post a Comment