Imbatad ni Mr. Nathaniel B. Galamgam, AT, kabarbaro a Municipal Rice Program Coordinator nga umaboten ti 200 ektaria iti naapitan manipud iti 2,246.5 Ektaria a namulaan ti pagay iti kallabes.
Innayon ni Mr. Galamgam a nangrugi metten ti Dry Season 2017-2018 ket adda manen naibunubon para iti masasao a 2nd Crop kadagiti dati a mataltalon nangruna kadagiti adda irigasionna ken submerged area (lungog a paset) idinto a naisibar a pagmulaanda iti tabako, mais, nateng, legumes ken dadduma pay a cash crops ti dinisso iti talon ti ili.
Dagitoy nga aksion ken inisiatiba ket gubuay iti napintek a programa ti Gobierno Munisipal nga idauluan ni Mayor Josh Edward S. Cobangbang tapno makomplementaran iti regtada nga agpataud iti umanay a suplay a pagtaraon ken mangnayon iti masapulanda agsipud ta mayoridad dagiti umili ket agdepende iti agrikultura iti pagbiaganda. # (Web In-Action)
No comments:
Post a Comment