Friday, October 20, 2017

FARM TRACTOR, NAITED ITI ARNAP SUNRISE COOPERATIVE

Cabugao, Ilocos Sur – Naaramid ti pannakaiturn-over ti makinaria a Tractor a nagun-od ti Arnap Sunrise Agrarian Cooperative Association, Inc. manipud iti Departament of Agrarian Reform (DAR) ken kakammayetna ti LGU-Cabugao, Ilocos Sur.  


Naaramid ti turnover idi Oktubre 18, 2017 iti sango ti Cabugao Cultural and Sports Complex, Brgy. Rizal, Cabugao, Ilocos Sur.

Indauluan da  Mayor Josh Edward S.  Cobangbang ken ni YPS Young Mayor Calvin Kenneth Lopez  a nangimatang iti pannakai-turnover ti nadakamat a makinaria ken binayabay dagiti Opisiales ti Kooperatiba iti nadakamat  a turnover.

Segun ken ni Municipal Agriculturist Robert S. Savella, nagun-od ti nadakamat a makinaria babaen iti naregta  a panagkalikagum ti maseknan a Kooperatiba ken babaen iti panangilungalong ti LGU-Cabugao iti Department of Agrarian Reform (DAR)-Agrarian Reform Communities (ARCs).


Innayon ni Mr. Savella a ti nadakamat a makinaria ket maited iti  nadakamat a Kooperatiba a naka-base sadiay Barangay  Arnap, Cabugao, Ilocos Sur.

Kabayatanna, impeksa met dagiti Opisiales ti asosasion nga immawat kadaytoy iti Department of Agrarian Reform (DAR) ken iti LGU-Cabugao iti panangawatdan ti nadakamat a makinaria kasta metten nga agyamanda met iti agtultuloy a panangtarabay ti LGU-Cabugao nga idauluan ni Mayor Josh Edward S. Cobangbang  iti Kooperatiba-da. # (Web In-Action)

No comments:

Post a Comment