Tuesday, October 3, 2017

MEETING TI BHWs MEETING, NAANGAY ITI OKTUBRE 2017

Cabugao, Ilocos Sur – Naangay ti Regular Meeting dagiti kameng ti Barangay Health Workers (BHW’s) Association  ti 33 a barangay ti ili idi  Oktubre 5, 2017 iti ECCD Building, Brgy. Rizal, Cabugao, Ilocos Sur. 

Daytoy nga aktibidad ket binulan a maaramid tapno makapagtitinnarabayda a Barangay Health Workers (BHWs) ken maammuanda dagiti sumaruno nga aramidenda tapno nasaysayud iti maipaayda a serbisio para iti kabarangayanda.

Dadduma pay a natratar ken napagnanamingan:

1. Update ti rekord dagiti BHWs.

2. Agtultuloy a pannaki-koordinarda kadagiti Opisiales ti Barangay iti pakaseknan ti trabahoda.

3. Pannakaipakaammo kadakuada kadagiti baro a pammilin manipud iti DOH ken RHU-MHO.

4. Panangawatda iti Household Assessment Form a naited kadakuada manipud idiay Kapitolio ket papirmaanda iti tunggal household ken isubmiterda iti las-ud ti dua a bulan.

Manamnama nga agtutuloy a sumaysayaat ti serbisio dagiti BHWs gapu iti nasiken a pannakikammayetda kadagiti Opisiales ti Barangay, MHO  ken iti Gobierno Lokal iti panangipatungpalda ti pagrebbenganda a kas pannakabagi ti Sektor-Salun-at iti Barangay. # (Web In-Action)

No comments:

Post a Comment