Tuesday, October 24, 2017

MEDICAL, DENTAL & OPTICAL MISSION, NAIGANNUAT

Cabugao, Ilocos Sur -  Naaramid ti  Medical, Dental & Optical Mission ti Saint  Mark the Evangelist Parish, Cabugao, Ilocos Sur Ilocos Sur babaen iti panangtarabay ni Rev. Fr. Felix A. Costales agraman dagiti 13 a Dodoktor ken Dentista nga indauluan ni Dr. Bernardino P. De Gracia III ken 10 a Volunteer/Nurses a timmulong iti nadakamat a Medical Mission. 


Naangay ti Medical  Mission iti St. Mark Parish Center idi Oktubre 21, 2017, 2017 a kas paset ti annongen ti Simbaan Romano Katolika nga agserbi kadagiti makasapul iti pannakaasikaso  babaen iti itutulong dagiti indibidual.

Nagturong dagiti agpaagas iti Parish Center ket nagrehistroda babaen kadagiti Medical Personnel a nakadestino kadagiti naituding a lamisaan. Simmaruno ket iti panangasikaso dagiti Dodoktor kadagiti pasiente sa naikkanda  iti maikanatad nga agas dagitoy.


Nakikaysa ditoy da Mr. Benjamin Castillo; SBM Vicky S. Serna; Miss Aida S. Cueto ken ni Mrs.  Edith O. Siruno, agpapada a Parishioner. # (Web In-Action)

No comments:

Post a Comment