Cabugao, Ilocos Sur – Naaramid ti STRENGTHENING OF MASA MASID TEAMS-MASA MASID Orientation (Second Batch) kadagiti pannakabagi dagiti 13 a barangay ti ili a Cabugao, Ilocos Sur iti Oktubre 30, 2017 iti Early Childhood Care Development Building, Barangay Rizal, Cabugao, Ilocos Sur.
Kalpasan ti Registration dagiti Partisipantes ket nairugi ti opening program. Inlawlawag ni MLGO Officer Constancia “Connie” L. Quinola ti panggep iti panagadal ken bininsana dagiti mainayon a topiko a matratar ken pagrebbengan dagiti nagseminar.
Iti Lecture Proper, inyadal ti Chief of Police ti Municipal Police Station ti ili a Cabugao dagiti Tips ken nasamay a wagas nga aramiden iti panangtiped ti pannakapasamak ti Krimen ken Desgrasia.
Inlawlawag ni Mrs. Quinola ti kaipapanan ti Primer ti MASA MASID (Mamamayang Ayaw Sa Anomalya - Mamamayang Ayaw Sa Iligal na Droga) kadagiti nagseminar a nakabuklan dagiti napili manipud iti nadumaduma a sektor ti barangay.
Sakbay daytoy a panagtitipon, naaramid ti panagsanay ti umuna a batch idi Oktubre 20, 2017 a kaaduan a nagatendar dagiti Opisiales ti Barangay ken kameng ti Barangay Tanod iti 33 a barangay. Maar-aramid daytoy a paseminar tapno maipatungpalda ti plano iti Gobierno Nasional a mapagbalin a naan-anay a katulongan ida ti Kapolisan ti krusada maikontra iti illegal drugs; kriminalidad ken corruption a dinakamat ni MLGO Officer Constancia “Connie” Lazo Quinola a kangrunaan a pakabuklan dagiti maiyad-adal kadagiti agseminar.
Inulit ni MLGO Officer Constancia “Connie” L. Quinola nga impalagip nga daytoy a programa ket Community-Based Reform Program ti Gobierno Nasional ket saan laeng a dagiti Opisiales ti adda pagrebbenganna a makigamulo no di pay ket agtitinnulong dagiti maseknan a sektor tapno agballigi iti panggep daytoy a programa ni Presidente Rodrigo Roa Duterte.
Insupusopna a ti Barangay MASA MASID Team ket buklen dagiti representatives ti faith-based organizations, civil society organizations (CSOs), non-government organizations (NGOs), people’s organizations (POs), ken ti CSO representative manipud iti Barangay Peace and Order Council (BPOC) ken iti Barangay Anti-Drug Abuse Council (BADAC)
Nairaman pay a naipakaammo dagiti rebbengna a maammuan dagiti umili babaen kadagiti pannakabagi ti COMELEC ken iti DOH iti nadakamat a seminar. # (Web In-Action)
No comments:
Post a Comment