Cabugao, Ilocos Sur – Naangay ti panagsasarita iti nagbaetan dagiti Mangngalap idiay Barangay Salapasap, Cabugao, Ilocos Sur idi Oktubre 20, 2017 ken dagiti pannakabagi ti Bureau of Fisheries and Aquatic Resources (BFAR)-Region 1 agraman ken ni Municipal Fisheries Coordinator Nereo S. Daproza iti LGU-Cabugao.
Segun ken ni Mr. Daproza a kalpasan iti pannakaangay dagiti konsultasion kadagiti coastal barangay ket manamnama nga iti Barangay Salapasap iti pakaipasdekan ti Community Fish Landing Center ti Munisipio.
Daytoy a proyekto ket maysa kadagiti dua nga impraestruktura ti Fisheries a proyekto a maipasdek ditoy ili a Cabugao ken maysa a cost-effective support component ti BFAR-TARGET (Targeted Actions to Reduce Poverty and Generate Economic Transformation) para kadagiti Fisherfolks iti ili.
Maikadua a proyekto ket iti naipasdek a Municipal Fishport idiay Barangay Salomague, Cabugao, Ilocos Sur. Imbatad ti BFAR a naileppasen ti proyekto iti Municipal Fishport ti ili a Cabugao a pinunduan ti BFAR ken iti Philippine Fisheries and Development Authority (PFDA) ket maisagsaganan iti panagoperarna.
Maipalagip a naangay ti Ceremonial Signing ti Memorandum of Agreement (MOA) iti nagbaetan ti Bureau of Fisheries and Aquatic Resources (BFAR) ken iti LGU-Cabugao iti Administrasion ni Mayor Edgardo “Ediboy” S. Cobangbang, Jr.
Imbagian idi ni Ms. Diona Bedar, Aqua II, ti BFAR iti nasao a signing iti Opisina ni Mayor Ediboy iti Hunio 3, 2015. # (Web In-Action)
No comments:
Post a Comment