Tuesday, October 10, 2017

PUBLIC HEARING TI DRAFT ORDINANCE, INANGAY TI SANGGUNIANG BAYAN

Cabugao, Ilocos Sur – Inangay ti Sangguniang Bayan ti ili ti Cabugao, Ilocos Sur iti maysa a Public Hearing babaen iti panangtarawidwid iti Committee of Transportation and Communication iti sumaganad a mapagsasaritaan: An Ordinance Prescribing the Number of Children Passengers for Tricycle-For-Hire in Cabugao, Ilocos Sur.

Nagatendar dagiti agtagikua ti Pribado a  Traysikel; Opisiales  ti CISTODAI, Inc. ti ili a Cabugao; Opisiales ti Barangay Tanod kasta metten dagiti  agtagikua iti Kurongkurong.

Kangrunaan a sinaguday ti nadakamat nga Ordinansa iti pananglimitar ti lima a pasahero iti tunggal tricycle nga agbiahe (uppat iti uneg ken maysa iti back rider).

Imbinsabinsa ni SB Secretary Maxfel S. Suboc iti mapagsasaritaan ken ti maseknan nga SB Commitee on Transportation and Communication nga idauluan ni SBM Vicky S. Serna, Chairman; SBM Danny Q. Gazmen, Member ken ni ABC President Thaddeus U. Soller, 
Vice Chairman 
 a nangtratar iti nadakamat a Draft ti Ordinansa.

Nagatendar pay dagiti Kapitanes ti Barangay; Kagawad a mangig-iggem iti Committee on  Transportation and Communication ken iti pannakabagi ti PNP-Cabugao.

Naaramid ti Public Hearing iti Oktubre 10, 2017 iti ECCD Building, Barangay Rizal, Cabugao, Ilocos Sur.

Kabayatan ti  Public Hearing, naidatag dagiti singasing, kapanunotan, komento ken panirigan iti maidardarirag iti pannakaaprobarna nga Ordinansa.

Naan-anay a nasungbatan dagitoy a saludsod ken kapanunotan babaen iti panangtratar dagiti umisu nga Opisiales a  mangsungbat kadagitoy a saludsod iti naaramid nga Open Forum.

Innayon ni SBM Danny Q. Gazmen a sabali laeng iti pannakatratar iti timpuar a saludsod a maipapan iti plete babaen iti panagpetision dagiti Operators ti Tricycle.

Imbatad ni SB Secretary Maxfel S. Suboc a dumalan pay iti sabali a deliberasion iti Konseho Munisipal para iti pannakaaprobar ti nadakamat nga Ordinansa sakbay a maipakapet ken  mairakurak kadagiti umili iti barangay. # (Web In-Action)

No comments:

Post a Comment