Wednesday, January 4, 2012

NAGLATAK TI TAGA-CABUGAO ITI TAEKWONDO!

Cabugao, Ilocos Sur – Malaksid kadagiti padamag iti kallabes a panangrangkon ti Taekwondo Players a taga-Cabugao iti balitok ken bronse a medalia iti naikaisabakanda a dangadang, agtultuloy latta ti panagapit/panagyawidda  ti pammadayaw dagiti umaayam itoy kas inreport ni Mr. Romel Singson, Coach/Trainor ken ni Mayor Edgardo “Ediboy” S. Cobangbang, Jr., a mangsupsuporta iti  Cabugao Team a dumaydayo iti salip (lokal/nasional ken internasional)  iti Taekwondo Sports Competition.

Iti naangay a NATIONAL BATANG PINOY 2011 idiay LCC Mall, Naga City idi Disiembre 10-13, 2011, nagun-odda  dagiti sumaganad ti pammadayaw:

Dseudenn  Pyvan Pasia
Bronze
Keybert Lumbania
Semi-Finalist
Jamels Mae Paligutan
Semi-Finalist
         
Malaksid ti pannakaidayawda/panaglatakda  ken ti ilida, umagpang ti “exposure-da” ken mangrangtay ti panagaammo, panangipasdek ti “identidad”  iti sabali a lugar iti naisalumina a kabaelan ken paglaingan a pakairamanan met a pakabigbigan ken pakaidayawan  kadagiti umili ti Cabugao, Ilocos Sur. Kudos Cabugao Team!  # (Web In-Action)

No comments:

Post a Comment