UMUNA A PANAGMITING TI LIGA TI BRGY. SECRETARIES

Cabugao, Ilocos Sur – Naangay ti umuna a miting ti League of Barangay Secretaries ti ili a Cabugao iti panangidaulo ni Nagsincaoan  Barangay Secretary Ronnie Bringas iti Municipal Conference Hall   idi Enero 6, 2012  a no sadino a ditoy ket nagatendaran ti 33 a Barangay Secretaries ti barangays ti ili a  Cabugao ken nakipagmiting met ni DILG-MLGO Officer Connie Quinola.

Kangrunaan a nataming ket ti pannakaisagana ti papeles ti 20% Development Fund iti Barangay (napagsasaruno ti pasetna a maaramid), ti pakabuklan ti Barangay Development Council, pannakaiprograma dagiti aktibidades a pakaigastuan ti pundo ti Barangay kasta met ti pannakaisagana dagiti kopia ti nadumaduma a plano a maipatungpal kas iti sumaganad:

BDRMC	Barangay Disaster Reduction Management Committee
BPOC	Barangay Peace  and Order Council
BPFSDCP	Barangay Physical Fitness Sports Development Council Plan
BSWMP	Barangay Solid Waste Management Plan
BADAC	Barangay Anti-Drug Abuse Council
BIACSP	Barangay Integrated Area Community Safety Plan
BCPCAP	Barangay Council for the Protection of Children Action Plan

Imbatad ni Liga President Ronnie  Bringas a kitaenna a maaramid dagiti padana a Barangay Secretaries ti annongenda iti Barangayda ita a tawen 2012  tapno maipamatmat ti pateg ti kaadda ti asosasionda a makikammayet iti Sangguniang Barangay ken ti Gobierno Munisipal   nga agtitinnulong no adda pakaseknanda.

Innayon pay ti Presidente ken kakaduana iti Liga ti panagyamanda unay  ken ni Mayor Ediboy iti naan-anay  a suportana iti Liga kadagiti aktibidadesda ken pannakapaadda dagiti kasapulanda iti pagopisinaanda iti Munisipio (kas iti computers, tugaw, lamisaan ken personnel a mangasikasonto kadagiti papelesda ken mangisuro kadakuada nga ag-computer). Kangrunaan ita a tawen a panggepda iti Liga ket  iti agbalin a computer-literate ken masimpa a nasayaat ti amin a rekordda.# (Web In-Action)