Cabugao, Ilocos Sur – Maibasar iti duktal ti Commission on Audit (COA) ken Project Monitoring Committee (PMC) iti naiwayat nga inspection-da iti kallabes a tawen, natakuatan ti maysa a Farm-to-market-road ti Barangay Namruangan, Cabugao, Ilocos Sur a nagkurang ti materialesna a naiproyekto iti panangyimplimentar ti napalabas nga Administrasion babaen ken ni Pasado a Mayor, Dr. Diocaesar S Suero.
Nupay kasta, babaen ti programa ni Mayor Ediboy a “Good Governance” through Transparency and Accountability, napasubli ti kurang a materiales ket disnudo ti kontraktor a nangitrabaho ti kurang ti kalsada, segun ken ni Engr. Crescencio C. Formoso, Municipal Engineer.
“Napintas a napasamak daytoy tapno napunnuan met laeng ti nagkurangan ti napalabas a proyekto. Ita, agyamankami unay ken ni Mayor Ediboy ta mapagsasaipton dagiti barangay roads-mi a masementado a kalkalikaguman ti asinoman a Kapitan ken lumugar iti barangayna,” imbatad ni Brgy. Captain Robertson R. Gorospe.
“Makipagyamankami met ken ni Apo Kapitan ken ni Mayor Ediboy kasta met kada engineer ti pannakapapintas ti pagdalananmi” kuna ni Mr. Dominador Agno, nabayag a nagkonsehal ti Barangay.
“Saluduanmi ni Apo Mayor Ediboy ta adda kas kenkuana a mangipateg ti kalinteganmi a nababa,” kuna met ni Mr. Eddie Rabor, agnaed ditoy a Barangay. # (Web In-Action)
No comments:
Post a Comment