BARO A COMPUTER, NARUGIANEN A MAUS-USAR

Cabugao, Ilocos Sur – Narugianen  ti pannakausar ti baro a  computer  ti Munisipio  babaen kadagiti kameng    ti Liga ng mga Barangay Secretaries/Barangay Treasurers iti umayda panagreport  iti opisinada ditoy Munisipio mangrugi  ita a Tawen 2012.

Impeksa  ni Ms. Connie L.  Quinola, Local Government Operations Officer 5 ti LGU-Cabugao ti nalaus a  panagyamanda ken ni Mayor Edgardo “Ediboy” S. Cobangbang, Jr. a nangilungalong  ti kaadda ti nayon nga usaren  dagiti Sekretraio ken Tesorero  tapno mapasayaat pay ti  panagserbisioda iti barangayda.  

Ni  Mr. Alvin S. Solis, pannakabagi ti Municipal Website, ti napusgan a mangasistir  kadagiti Barangay Secretaries ken Treasurers iti panagusarda itoy a ramit  ditoy Munisipio.

Inlatak met   ni Liga ng mga  Brgy. Secretaries President Ronie Bringas  a maragsakanda amin ken agyamanda unay ken ni Mayor Ediboy ta  computerized amin ita ti isubsubmiterda a  reports-da iti DILG-MLGOO. # (Web In-Action)