DENTAL SERVICE, NAITULOY ITI DUA A BARANGAY

Cabugao, Ilocos Sur  – Naituloy ti Dental Service kadagiti Day Care Pupils iti Barangay Namruangan ken Barangay Sabang, Cabugao, Ilocos Sur idi Pebrero 16, 2012 a no sadino a ditoy ket indauluan da SBM Carlito S. Pano, M.D., Chairman, Committee on Health &  Social Services ken Dra. Ma. Anastacia de los Reyes  ti grupo  a nagserbisio ti ubbing kadagitoy a nadakamat a barangay.

Daytoy a gannuat ket maysa kadagiti prayoridad a programa ti Gobierno Munisipal nga idauluan ni Mayor Edgardo “Ediboy” S. Cobangbang, Jr. a mangipangruna ti salun-at a mataming.

Iti Barangay Namruangan, adda 38 a bilang ti Day Care Pupils nga isuro ni Ms. Renabel Saniatan, Day Care Teacher.  10 kadakuada ti  mabenepisiaran ti Supplemental Feeding Program ti MSWD-LGU. Nagyaman dagiti   nagannak iti naisagut kadagiti ubbing a Toothbrush, Colgate, Tumbler ken Bear Brand Milk. Daytoy a sagut ket naggapu ken ni Mayor Ediboy, segun ken ni Dra. de los Reyes.

Kalpasan ti Brgy. Namruangan, immallatiw   ti grupo a nagtaming  kadagiti Day Care Pupils iti Barangay Sabang.  Ni Miss Elizabeth S. Somera ti Day Care Teacher ditoy. Addaan ti 48 a bilang ti pupils ket 46 ti makasagrap ti Supplemental Feeding Program  a maiwaywayat babaen iti MSWDO ken BNS-BHW iti barangay. 

Kalpasan ti pannakaamiris dagiti ngipen dagiti ubbing ken pannakaited ti sagutda, naggrupoda para iti pictorial ken impeksada ti panagyamanda nangruna dagiti nagannak kadagiti immay nagserbisio-dental ken kasta met ken ni Mayor Ediboy a naggapuan ti sagut.

Nairaman a kimmadua  iti Serbisio-Dental da Mrs. Cynthia Guimmayen, Dentist Aide,  Miss Reynalyn Valencia, Miss Joy Sayo ken Miss Grace Baclig, agpapada a naggapu iti RHU-Cabugao.  # (Web In-Action)