Cabugao, Ilocos Sur – Kastoy ti kaaduan a pammaliiw dagiti duma-dayo ken uray iti no manon a lawas a naaramid ti panagi-Dayo ti animales/dinguen iti DAYO-CABUGAO.
Maysa a pakaseknan ti puonan, ngem adu latta ti aggatang nangruna dagiti partidor. Ipaneknek ti immadu a bilang ti naparti a baboy, dadakkel nga ayup (nuang ken baka) kas linaon ti report ni Dr. Melvin G. Castro, Municipal Livestock Inspector iti Opisina ti Mayor a naipablaak iti Municipal Website.
Kanaig daytoy, nangbukel ti Opisina ti Meat and Livestock Section ti pagalagadan ti panagiserrek ti maparti nga ayup iti Slaughterhouse ken kanaigna a maaramid iti uneg ken ruar ti inaladan ti pagpartian. Dagitoy a pagannurotan ti mainayon nga annuroten ti operasion ken mentenansia ti pagpartian ket agdama nga is-istudiaren dagiti mangiturturong kadagitoy nga opisina ket idatagdanto ken ni Mayor Edgardo “Ediboy” S. Cobangbang, Jr. para iti pannakayendorsona iti Sangguniang Bayan tapno maisupusop kadagiti naaramiden a pagannurotan iti Livestock Market ken Slaughterhouse ti Munisipio.
Imbatad met ni Mr. Elpidio Mejia, Sekretario ti Cabugao Livestock Traders Association a yur-urayda a patgan ti Gobierno Probinsial ti kalikagum ti asosasion a mainayon a puonan a mangpapigsa pay ti aktibidades iti Dayo. # (Web In-Action)
No comments:
Post a Comment