INTEGRATED COASTAL MANAGEMENT PLAN, NAULIT A NAPAGMITINGAN

Cabugao, Ilocos Sur  – Naangay ti maikadua a panangmiting dagiti opisiales  ti  DENR Regional Office No. 1  kadagiti pannakabagi ti  LGU Cabugao ken Opisiales ti Barangay manipud iti masakupan ti  kabambantayan  agingga iti  igid ti baybay iti ili a Cabugao  idi Pebrero 22, 2012 iti Municipal Conference Hall.

Indauluan  ni Ms. Marizel Calpito,   Coastal Marine Management Division Chief,  DENR Region 01 iti nagmalem nga aktibidad a nakaaramidan ti diskusion ken workshop.

Naistudiar dagiti naitudo a  problema (threats, issues) iti  aglawlaw  manipud iti kabambantayan agingga iti kabaybayan iti immuna a panagmiting ket maikkan ti mainugot nga aksion   iti mabukel a polisa, estratehia ken plano a pagkammayetan ti LGU Cabugao ken DENR Regional Office a maipatungpal.

Ti pannakabukel ti opisial a  plano a mangidirehe iti naannayas a pannakataming ti  pakaseknan ti aglawlaw   ket paset ti programa ti Gobierno Munisipal nga idauluan ni Mayor Edgardo “Ediboy” S. Cobangbang, Jr.

DAGITI  NAGBASARAN ITI PANNAKABUKEL TI PLANO
. Natural and man-made hazard prevention and management.
. Habitat protection,  restoration and management.
. Water use and supply management
. Food security and livelihood management.
. Pollution reduction and waste management.

Kalpasan ti miting-seminar,  maikkan   ti DENR Regional Office ti gundaway a mangtratar  ti resulta ti workshop sakbay a mapagsasaritaan manen  iti agsumbangir a partido: LGU ken DENR.

Kadua ni Chief Calpito ti DENR Regional Staff a nagatendar  da:  Forester Darwin Ablang, Science Research Analyst; Miss Glaziel Gonzales, Science Research Aide; ken Ms.  Flora Anacta, Science Research Aide.

Buklen met dagiti pannakabagi ti CENRO-Vigan City da: Mr. Antonio Ridulme, Chief, Protected Areas Wildlife and Coastal Zone Mother Section (PAWCZMS); Mr. Paulino Tabut, Chief, CMMU; Forester Rodolfo Costales, Chief, Watershed; Forester Jimmy Sonido, Information Officer.

Iti biang ti LGU ken Barangay,  nagatendar da:  MPDC Florante Jara,   MENRO Edgar S. Balangatan,   Mrs. Milagros Paz, Municipal Fishery Coordinator,   Agricultural Technologists  Ester Aguimbag,  Joenah G.  Sevilleja, Robert S. Savella,  Barangay Captain   Edgardo S. Cobangbang, Sr., Brgy. Sabang;  Brgy. Captain Danny Garcia, Brgy. Dardarat;  Brgy. Capt. Eliseo Serrano, Brgy. Salomague;  Brgy. Capt. Robertson Gorospe,   Brgy. Namruangan;  Brgy. Capt. Geogie Benavidez, Brgy. Maradodon;   Brgy. Capt. Quirino Manuel, Brgy. Daclapan;  Brgy. Secretary Joselito  Segui ti Brgy. Salapasap. # (Web In-Action)