Cabugao, Ilocos Sur – Paset ti programa ti Gobierno Munisipal babaen ti panangidaulo ni Mayor Edgardo “Ediboy” S. Cobangbang, Jr. iti agtultuloy a pannakapapigsa dagiti asosasion nga adda iti salinong ti nadumaduma nga opisina ti LGU partikular ti DA-LGU ken MSWDO a pakairamanan met ti Non-Government Organization (NGO’s) kangrunaan iti pannakairehistroda iti SEC wenno DOLE tapno adda “juridical identity-da a “maki-transact iti maseknan a line agencies a makaited ti tulong ken pagsayaatan kadagiti miembrosda.
Ita a Pebrero 4, 2012, 10 nga asosasion ti mannalon ti naited ti rehistroda manipud iti Department of Labor and Employment (DOLE) babaen ken ni Mrs. Charity Ubilas, Labor and Employment Officer 2, DOLE, Vigan City kadagiti opisiales ti nadakamat nga asosasion iti Munisipio. Inasistiran ni Mrs. Ester P. Aguimbag, Municipal Technologist ken Coordinator ti Farmer’s Association ti opisial ti DOLE a nangyawat kadagiti Sertipiko ti Rehistrasion kadagitoy nga asosasion.
Imbatad ni Mrs. Ubilas a pang-life time daytoy a rehistro ket impaganetgetna nga agaramid dagiti opisiales ti project proposal para iti makinaria ken livelihood assistance trainings/projects ta adda madadaan a pundo ita dagitoy iti Ahensia ti DOLE. Innayon ti opisial a 20% ti Counterpart ti Asosasion kadagitoy a makalikaguman a proyekto.
Nagyaman met dagiti opisiales nga immawat iti rehistrasion iti Ahensia ti DOLE ken iti Gobierno Munisipal nga idauluan ni Mayor Ediboy a mangtartarabay kadagiti asosasion kadagiti magun-odda a pagimbagan dagitoy. # (Web In-Action)
DAGITI ASOSASION NGA IMMAWAT TI REHISTRASION ITI DOLE
Cabugao Livestock Traders Association
Regta Daclapan Fishermen Association
Turod Patac Farmers Association
Daclapan Rural Improvement Club
Bonifacio Farmers Association
Cuantacla Farmers Association
Cuancabal Farmers Association
Dardarat Fishermen Association
Sisim Farmers Association
Alina-ay Farmers Association
No comments:
Post a Comment