Cabugao, Ilocos Sur – Naigiddan ti selebrasion ti Valentines Day ti naaramid a Raffle Draw ti Cabugao Federated Senior Citizens Association nga idauluan ni Mr. Antonio N. Sabio. Presidente ken OSCA Head, Mr. Remigio B. Sunico a no sadino a ditoy ket nagpartisipar dagiti opisiales ken miembros ti Senior Citizens iti barangay ket nabunot ti nakaigasat kadagiti agkakapateg a papremio.
Nairugi ti programa babaen ti ababa a kararag ni Mr. Felipe Valencia. Linuktan ni Mr. Bonifacio Somera, Vice President ti Senior Citizen ket kimmablaaw iti napateg a kaaldawan ti Puso iti amin a nagatendar. Nagyaman pay kadagiti opisiales ti Gobierno Munisipal iti ayat ken tulongda kada adda aktibidades dagiti nataengan.
Naisaruno ti Grand March nga indauluan da Vice Mayor and Mrs. Danny Q. Gazmen ken dagiti nagatendar a balikbayans. Naiparang met ti intermission ti kada barangay sa maibaet a mabunot dagiti mapagasatan a mapremiuan iti raffle. Kanta ken sala ti kaaduan a naipabuya.
Imbagian ni Vice Mayor Danny Q. Gazmen ni Mayor Edgardo “Ediboy” S. Cobangbang, Jr. a nagmensahe ket nabigbig ti saldet dagiti nataengan a mangipakita nga isuda ket makadanggayda pay laeng iti pannakigamulo iti sosial nga aktibidades iti ili ken komunidad a ramen ti biag ken panagrang-ay ti ili.
Kalpasan ti pannakaileppas ti programa, napasamak ti pannaka-draw ti tallo a Major Prizes. Dagiti napagasatan ket isuda: 1st Prize – Adela Zabala, Brgy. Bungro; 2nd Prize, Veronica Sabugo, Brgy. Rizal; ken 3rd Prize, Rosalina Castillo, Brgy. Marga-ay.
Nangipaay met ni Mayor Ediboy iti Special Cash Prize a pagpremioda, segun ken ni CFSCA President Antonio N. Sabio malaksid kadagiti appliances ken ramit ti balay ken dadduma pay a consolation prizes a naited babaen kadagiti nainaganan iti baba a donors:
ITEMS | DONORS |
1st Prize, 7 Cu. Feet Refrigerator | Vice Gov. Deogracias Victor B. Savellano |
2nd Prize 24’ FLATSCREEN TV | ABC President, Brgy. Captain Thaddeus U. Soller |
3rd Prize Washing Machine | Kambal Lumber and Hardware |
4rth Prize Stand Fan | Mr. Arnulfo Soller, Jr. |
5th Prize Stand Fan | JERMEYER |
6TH Prize Table Fan | Vice Mayor Danilo Q. Gazmen |
7th Prize Flat Iron | Dr. Margarita S. Jara |
10 Consolation Prizes |
No comments:
Post a Comment