Cabugao, Ilocos Sur – Agtultuloy a maangay ti Family Development Session (FDS) dagiti kameng ti Pantawid Pamilyang Pilipino Program (4 P’s) iti kada barangay nangruna iti ruar ti Poblasion ti Cabugao.
Iti pannaki-amad ti Web In-Action iti Mayo 15, 2013, imbatad ni Mr. Gary Vicerra, DSWD Municipal Link, Cabugao a dua a barangay: Salapasap ken Marga-ay ti nagturongan dagiti pannakabagi ti MSWDO nga idauluan da Municipal Link Gary Vicerra ken 4 P’s Focal Person Miss Aida Cueto a naglektiuran pakaseknan iti education program ti 4 P’s iti Mayo 14, 2013.
Innayon ni Mr. Vicerra a leppasenda nga ilektiur iti maipapan iti Edukasion kadagiti 4 P’s iti 33 a barangay iti makabulan babaen iti clustering group a buklen ti 45 a kameng ti 4 P’s.
Kabayatanna, maiyeskediul met ti house-to-house update ti household case record dagiti kameng ti 4 P’s babaen met laeng kadagiti nadakamat a DSWD Personnel tapno madeterminar iti pagdurdur-asan ti programa kadagitoy a napanglaw a recipients.
Ti 4 P’s ket nagkammayetan a programa ti DSWD ken ti LGU-Cabugao nga idauluan ni Mayor Edgardo “Ediboy” S. Cobangbang. Jr. tapno mairagpat ti kasasaad dagiti napanglaw a pamilia ket agbalinda a makatulong iti pamiliada ken agbalinda a produktibo nga umili ti Cabugao. # (Web In-Action)
No comments:
Post a Comment