Wednesday, May 8, 2013

FAMILY DEVELOPMENT SESSION TI 4 P’s TI POBLASION, NAANGAY

Cabugao, Ilocos Sur – Naangay ti Family Development Session ti uppat a barangay ti Poblasion idi Mayo 6, 2013 iti Municipal Conference Hall, Cabugao, Ilocos Sur.
 

Dagiti 4 P’s ti Brgy. Quezon ken Brgy. Bonifacio iti nagadal iti  bigat idinto ta iti Brgy. Rizal ken Brgy. Baclig iti malem.    


Naipamaysa a naiyadal kadagiti kameng ti maipapan iti nadumaduma a pamayan dagiti nagannak tapno mapasayaat ti panagadal dagiti annakda nga agtawen iti agingga iti 14. Imbatad ni DSWD Municipal Link Gary Vicerra nga iti maipapan iti health care ken edukasion ti pakaisangratan ti cash grant ti 4 P’s ket kasapulan a matun-oyan ti napintas a resulta ti programa.    

Naglektiur met ni Miss Aida Cueto, DSWD Municipal Link and 4 P’s Focal Person ti LGU-Cabugao ket ingunamgunamna kadagiti 4 P’s Members nga annurotenda ti amin nga ituding ti programa ken dagiti pagrebbengan a pakipasetanda iti barangayda.



Ti programa ti 4 P’s ket naisaknap kadagiti nakurapay a kaamaan iti 33 a barangays ti Cabugao babaen ti panagkammayet ti DSWD ken ti LGU-Cabugao nga idauluan ni Mayor Edgardo “Ediboy” S. Cobangbang, Jr. tapno matulongan dagiti napanglaw a pamilia iti aspeto ti edukasion ken salun-at a kangrunaan a mangidur-as ti natalingenngen a  kagimongan. # (Web In-Action)

No comments:

Post a Comment