Cabugao, Ilocos Sur – Iti pannaki-amad ti Web In-Action idi Mayo 4, 2013, imbatad ni Mr. Ronel M. Ubaldo, Head Teacher III iti Salomague Elementary School a napasayaat manen ti pakabuklan ti dati a Marcos Type Building nga immuna a tinarimaan ti LGU-Cabugao. Nangipaay ti Department of Education (DepEd) ti P150,000 a tulong a nangpasayaat (atep ken pannakapinta) ti nasao a pasdek ti pageskuelaan.
Kabayatanna, nangipaay met ni Diputado Ryan Luis V. Singson iti 50 a Monobloc Chairs para kadagiti agad-adal iti Salomague E/S. Impeksa ni Mr. Ubaldo ken ti PTA Officials ti panagyamanda iti mannakitinnulong a Diputado, iti LGU Cabugao ken iti DepEd. Kasta met a gimmatang ti Opisina ti pagadalan iti ramit iti water system tapno adda madadaan nga usaren dagiti ubbing ken mangisursuro a danum a saanen a mapanda pay la agsaksakdo.
Insupusop ni Mr. Ronald Castaneda, maestro iti pagadalan a nagun-od dagitoy a proyekto babaen ti nakammayet a panagtutunos dagiti mangisursuro, nagannak, ub-ubbing ken dadaulo ditoy a barangay. # (Web In-Action)
No comments:
Post a Comment