Thursday, May 23, 2013

OPERASION TI FLATBED DRYER, AKTIBO TI BACALL MPA

Cabugao, Ilocos Sur – Iti pannaki-amad ti Web In-Action idi Mayo 22, 2013, imbatad ni Mr. Dominador  Reynold Sabio, Presidente, BACALL MPA a maikagkagumaananda a mausar ti Flatbed Dryer-da kabayatan ti panangmentenarda iti operasionna tapno maipakita ken maipariknada iti kaipapanan ken usar  daytoy a proyekto nga inlungalong ti LGU-Cabugao ken DA-RFU 1  a napaadda kadagiti mannalon.

Innayon ni Mr. Sabio a napagnunumuanda a sangkagimongan a P.75 ti tangdan ti tunggal 1 kilo ti kada sako (50 kgs.) a mais a maipamaga ket addan 225 a sako a napamagaanda. Segun iti kadakkelan a kinontratada a nagmais, umabot ti 50 Tonelada a kilo ti kappusi a  mais ti deretso a main-inut nga isaangda a produkto iti maaronan a Flatbed Dryer-da.

Kanaig daytoy, nagrehistro ti asosasion ti BACALL MPA iti Retailer and Wholesaler a lisensiana iti BIR tapno adda karbenganda a sumrek iti panagnegosio iti asosasionda.

Dagitoy nga inisiatibada ket gubuay ti napintas a pannakikammayetda iti Gobierno Munisipal a mangiragpat iti kasasaad dagiti mannalon iti benneg ti Agrikultura iti Munisipalidad. # (Web In-Action)
    

No comments:

Post a Comment