Cabugao, Ilocos Sur – Maibasar iti Certificate of Canvass of Votes manipud iti Municipal Board of Canvassers (MBOC) nga idauluan ni Chairman, Mrs. Marivic A. Castaneda, Acting Election Officer II, Cabugao, Ilocos Sur, naiproklama idi Mayo 14, 2013 a nangatiw iti kaadu ti nabutosna ni Duly Re-elected Mayor Edgardo “Ediboy” S. Cobangbang, Jr. iti naangay a 2013 Automated National and Local Elections idi Mayo 13, 2013 para iti kangatuan a posision ti Opisial Lokal iti ili a Cabugao, Ilocos Sur.
Sakbayna, imbagnos da Mayor Ediboy ti Partido NPC (National People’s Coalition-BILEG) ken ti kinatiketna a ni Vice Mayoralty-Elect Deogracias Jose “DJ” H. Savellano a nagballigi met iti maikadua a kangatuan a puesto iti ili.
Kadua da Mayor Ediboy Cobangbang, Jr. ken Vice Mayor DJ Savellano a naiproklama a nangabak babaen iti COMELEC Cabugao dagiti walo a nangabak a Kandidato a Sangguniang Bayan a kas kada: 1. Danilo Q. Gazmen; 2. Vicky S. Serna; 3. Dodjie S. Santella; 4. Jayhan Charisma A. Tan; 5. Jemaima S. Tan-Yee; 6. Benedicto M. Savellano; 7. Josefina S. Vallejo; 8. Carlito S. Pano.
Iti surat nga ipagteng ni Mayor Ediboy kadagiti kailianna iti Cabugao, dinakamatna ken iti pamiliana iti panagyamanna kasta met dagiti kakaduana a nangipaay ti panawenda iti panagkampaniada iti Partido-da.
Imbatad pay ni Mayor Ediboy iti suratna iti panagyamanna iti panangbigbig dagiti kailianna ti Cabugao kadagiti gapuananda iti administrasionna, gannuatda iti napintas a panangidaulo ken agtultuloy a napudno a panagserbida kadagiti kakailianda iti Cabugao.
Agtugaw manen ni Mayor Ediboy para iti maikadua a Termino (2013-2016) kas Hepe Ehekutibo iti ili a Cabugao, Ilocos Sur babaen iti mandato dagiti umili iti panangriendana/panangtarawidwidna iti turay iti sabali a tallo a tawen. # (Web In-Action)
No comments:
Post a Comment