Cabugao, Ilocos Sur – Naaramid ti Monthly Meeting ti Cabugao Federated Farmer’s Association idi Mayo 7, 2013 iti Municipal Conference Hall, Cabugao, Ilocos Sur.
Kangrunaan a tinaming dagiti Presidente iti nadumaduma nga asosasion ti mannalon ket iti nagunggonada iti napastrek iti panaglako ti Bingo Tickets iti naisayangkat a pa-Bingo nga inesponsoran ti Pederasion kasta met dagiti naisagana nga agenda a pakaseknan dagiti mannalon.
Kimmablaaw ken nagyaman ni Mayor Edgardo “Ediboy” S. Cobangbang, Jr. kadagiti dadaulo ti Pederasion ta ipakpakitada ti napintas a pundasion dagiti asosasion gapu ta rehistradodan nga addaanen ti “juridical identity” a maki-transact ken mangprobitsar kadagiti maikanatad a serbisio manipud kadagiti line agencies para kadakuada.
Daytoy a galad ti Pederasion ket isu ti pakaidumaanna iti dadduma a pederasion ket daytoy ti nakaigapuan ti adu a ramit-pang-agrikultura a nagun-od dagiti asosasion ti mannalon iti Departamento ti Agrikultura babaen ti pannakitinnulong ti Gobierno Lokal ti Cabugao nga idauluan ni Mayor Ediboy.
Nakikaysa met iti agtultuloy a panangpasayaat ti Pederasion kadagiti masakupanna nga asosasion ket nagatendar met ti miting da SBM Benedict M. Savellano, Committee Chair on Agriculture, SBM Josefina S. Vallejo, SBM Carlos V. Sison, Brgy. Captain Inocencio S. Sadac ken Brgy. Captain Rogelio S. Siruno.
Nagsarita met ni MAFC Chairman, Kagawad Rogelio Barlolong. Kinaritna dagiti dadaulo ti mannalon iti agtultuloy a panagtutunosda para iti ad-adu pay a pagsayaatan a maragpatda iti masanguanan.
Nagpaay a Facilitator ni Mr. Elmer Guerrero Bromeo, Presidente ken nagatendar met ni Mrs. Ester P. Aguimbag, AT, DA-LGU. # (Web In-Action)
No comments:
Post a Comment