Tuesday, May 14, 2013

SAANDAN A MAPAN AGBIRBIROK TI PARTIENDA NGA AYUP

Cabugao, Ilocos Sur – Iti pannaki-amad ti Web In-Action idi Mayo 11, 2013, imbatad dagiti Koridor a kaaduan ti madispatsar nga ayup iti Cabugao Dayo iti kaaldawanna ket iti para-parti a gatangen dagiti partidor iti Dayo. Daytoy ket maisagsagana para iti pauragada iti kaaldawan ti Tienda iti Merkado Publiko (NISTC Market) iti aldaw ti Domingo.

Imbatad ni Municipal Meat Inspector Dante Naval nga aglasat amin iti Municipal Slaughterhouse dagiti maparti a baboy, nuang ken baka a mailako iti tiendaan para iti konsumo ti kaaduan.


Agtultuloy latta met ti pannakaiplastar dagiti nalapsat nga animales iti tunggal aldaw ti Dayo, segun  kadagiti Opisiales ti Cabugao Livestock Traders Association nga idauluan ni Mr. Marciano Raciles, Jr., Presidente.

Ti agtultuloy ken napintas a pannakatarawidwid ti Cabugao Dayo ket maysa kadagiti programa nga  itandudo ti Gobierno Munisipal nga idauluan ni Mayor Edgardo “Ediboy” S. Cobangbang, Jr. tapno masustener ti pannakapapigsa ti Dayo nga agtultuloy ti panagdur-asna iti agdama. # (Web In-Action)

No comments:

Post a Comment