Cabugao, Ilocos Sur – Naaramid ti Site Validation itay nabiit ti pakaipasdekan ti Palay Shed iti Bungro Farmer’s Association iti asideg ti nakabangonan ti Flatbed Dryer ken Multipurpose Drying Pavement ti asosasion iti Brgy. Bungro, Cabugao, Ilocos Sur.
Kinuyog ni Mrs. Marjorie Castillo ti DA-LGU ni Ms. Eden Ruth Ines ti DA-INPC-DA-RFU 1, San Fernando City, La Union agraman dagiti pannakabagi ti Bungro FA nga idauluan ni Mr. Edy L. Sevilleja, Presidente, agsipud ta nabayagen nga inar-arapaap ti asosasion a maited ti nasao a pasdek a pagpakarsuan dagiti gumimong iti apitda, aruatenda nga agtalon, pagmimitinganda ken pagyananda no adda okasionda iti gimongda.
Maikadua a maikkan ti Palay Shed ti Brgy. Bungro FA ket immun-una ti BACALL MPA nga idauluan ni Mr. D. Reynold Sabio iti Sitio Lusong Suyo, Brgy. Baclig.
Dagitoy a programa ket paset ti panakikammayet ti LGU-Cabugao nga idauluan ni Mayor Edgardo “Ediboy” S. Cobangbang, Jr. iti DA-RFU 1 nga idauluan ni OIC Regional Executive Director Dr. Valentin C. Perdido, Ph. D a pannakasagrap dagiti mannalon iti Postharvest Facilities Program a maipatungpal ditoy Cabugao, Ilocos Sur. # (Web In-Action)
No comments:
Post a Comment