Cabugao, Ilocos Sur – Iti pannaki-amad ti Web In-Action idi Mayo 21, 2013, imbatad ni Brgy. Captain Valentin S. Tuyor ti Brgy. Bonifacio, Cabugao, Ilocos Sur nga agtultuloy nga an-annurotenda ti direktiba ti Municipal Local Chief Executive a pannakaipakat ti Environmental Management Program ti Munisipio nangruna iti panagmula ti seedlings a kayo para itoy a panagtutudona. Indauluan ni Brgy. Captain Tuyor ti nagmula ti seedlings ti Manila Palm (Butsina) a kiniddawda iti Municipal Plant and Nursery iti agsumbangir nga abaga ti kalsada iti nagbedngan ti Brgy. Bonifacio ken Brgy. Turod Patac iti amianan a daya ti barangay.Innayon ti Punong Barangay a saanda laeng nga iyapal ti barangayda kadagiti nakapagmulan a barangay ngem kayatda pay nga isungsong ti panagmula dagiti kabarangayanda tapno makatulongda a mangalay-ay ti kumarkaro a kinasalimuot nga epekto pay ti kinarasay ti kaykayo iti aglawlaw.
Insupusop ni Kapitan Tuyor nga itultuloyda ti agmula malaksid iti butsina a seedlings kadagiti kalye-da a mabalin a mapagmulaan ditoy Poblasion kadaytoy a panagtutudona a bulbulan. # (Web In-Action)
No comments:
Post a Comment