Cabugao, Ilocos Sur – Nai-turnover dagiti baro a ramit iti Bureau of Fire Protection (BFP)-Cabugao. Indauluan ni Municipal Fire Marshal Senior Inspector Cesar M. Ragasa, kabarbaro a Fire Marshal ti ili a Cabugao, Ilocos Sur iti nangawat kadagiti baro a ramit idi Pebrero 12, 2018 manipud ken ni Mayor Josh Edward S. Cobangbang.
Dagitoy nga Office Equipment ket mausar iti panangiwayat iti Fire Safety Lecture, Earthquake Drill ken dadduma pay a kanaigna nga aktibidad dagiti Bombero.
Naiyallawat dagiti baro a ramit a ginatang ti LGU-Cabugao a kas iti TV, Speaker ken iti Laptop iti Opisina ni Mayor Josh Edward S. Cobangbang.
Impeksa dagiti kameng ti BFP-Cabugao iti panagyamanda iti Gobierno Lokal ti ili a Cabugao, Ilocos Sur iti pannakapaadda dagitoy a mainayon a ramit iti panangipaayda ti serbisio para iti publiko.
Binayabay dagiti Konsehales ti Ili ni Mayor Josh Edward nga isuda SBM Danny Q. Gazmen; SBM Vicky S. Serna; SBM Dr. Jemaima S. Tan-Yee ken ni SBM Josefina S. Vallejo iti pannakaiyawat dagiti nadakamat nga Office Equipment. # (Web In-Action)
No comments:
Post a Comment