Wednesday, February 7, 2018

FIELD DAY & GRADUATION TI BRGY. ARAGAN, NABALLIGI

Cabugao, Ilocos Sur – Naangay ti Graduation ti  Local Farmer Technician  Led Farmers Field School on Sustainable Corn Production iti Dry Season 2018 ken naaddaan ti 26   a  bilang ti nagadal a mannalon (Farmer- Partners) iti Barangay Aragan idi Pebrero 6, 2018 iti Barangay Aragan, Cabugao, Ilocos Sur.

Daytoy a panagadal ket inesponsoran ti Dapartment of Agriculture-RFO 1, ATI-OPAG ken iti LGU-Cabugao nga idauluan ni Mayor Josh Edward S. Cobangbang ken impatungpal ti DA-LGU a tinarawidwidan da  Mr. Obas Bill Y. Baclig, AT,  Mr. Henry B. Saliganan ken ni Mr. Bert P. Vicente, agpada a Local Farmer Technician. 


Iti naangay a programa, indauluan ni Ms. Marilyn R. Manantan,  FFS Participant ti panglukat a kararag. 

Iti biang ti Konseho ti Barangay nga idauluan ni Brgy. Captain Modesto P. Ronque, pinagyamananda ti DA-RFO 1  ken ti LGU-Cabugao  ken kakaduana pay nga Ahensia kadaytoy a nagun-od dagiti mannalon a kalugaranda. Impeksada a kankanayon koma latta  a mairamanda kadagiti programa ti Agrikultura  iti LGU-Cabugao tapno maidur-as met ti kasasaad dagiti mannalon ditoy a lugar.

Acknowledgement of Guests/Participants ti inakem  ni Municipal Agriculturist Robert S. Savella ken Presentation of PTD Result ti binagi  ni Mr. Jovany N. Tubera, FFS Participant.

Nangted  ti Impresssion da Ms. Shirley B. Sajor ken ni Mr. Cenon B. Sevilleja agpada nga FFS Participants.

Nagatendar ken nangipaay ti Mensahe ni Mayor Josh Edward S. Cobangbang. Kimmablaaw ken nagyaman kadagiti nagturpos, opisiales ken lumugar ti Barangay Aragan. Dinakamatna ti pateg ti panangabrasa  dagiti mannalon iti agtultuloy a panagbaliw/pannakaipakat  ti baro a Teknolohia.

Nagatendar ken nagmensahe met da Mr. Marcelino Alibin, pannakabagi ti Provincial Agriculture  Office (OPAG)  ken ni Mr. Sonny Apan, INREC-DA RFO 1.

Impresentar ni Mr. Henry B. Saliganan, AT/FFS Facilitator dagiti FFS Officers.

Nagsapata dagiti opisiales ti FFS ken naaramid ti pannakaakseptarda a naggraduar iti nasao a kurso dagiti 26  a mannalon.

Naisaganad ti Intermission Number.

Presentation of Graduates ti inakem ni  Mr.  Bert P. Vicente,  LFT/FFS Facilitator.

Naisaganad ti Confirmation of Graduates,  Acceptance of Graduates ken Distribution of Certificates.
Nagatendar met dagiti Agricultural Technologists (ATs)  ti DA-LGU Cabugao. Kasta pay  dagiti nagbuya a lumugar, sangaili  ken Opisiales  ti Barangay Aragan.

Nakikaysa met ni SBM Danny Q. Gazmen iti Graduation ti Farmers. 

Sinerraan ni  Ms. Katrine Joy P. Tapuro, AT/Corn Coordinator ti programa. Nagyaman iti sapasap a nakipagtaming iti panagballigi daytoy a programa ti Munisipio kadagiti mannalon. 

Nagpaay nga Emcee da Mr. Angelito R. Baclig; Mr. Wilfronio B. Manuel  ken ni Mr. Bert P. Vicente, FFS Facilitator. # (Web In-Action)

No comments:

Post a Comment