Monday, February 12, 2018

CONSULTATION WORKSHOP MAIPAPAN ITI WATERSHED, NAARAMID

Cabugao, Ilocos Sur – Naaramid ti consultation workshop nga inwayat dagiti Ahensia a maseknan a kas iti DENR-Provincial Environment and Natural Resources (PENRO)-CENRO;  National Economic Development Authority (NEDA) kadagiti recipient communities; stakeholders ken barangay iti Munisipalidad ti Cabugao idi Pebrero 7-8, 2018 iti Early Childhood Care Development Building, Barangay Rizal, Cabugao, Ilocos Sur.

Panggep ti nadakamat a miting ken workshop iti pannakabukel/pannakaisagana iti Sustainable Integrated Area Development (SIAD) Action Plan a pakaalaan dagiti maikanatad a datos para iti maitarget a Cabugao Watershed. 

Nagatendar met dagiti Opisiales ti Ili a nangtarabay kadagiti partisipantes iti nadakamat a dua nga aldaw a consultation-workshop. # (Web In-Action)

No comments:

Post a Comment