Cabugao, Ilocos Sur - Nagtinnulong ti DA- Philippine Crop Insurance Corporation (PCIC) ken dagiti Staff ti DA-LGU Cabugao nga idauluan ni Municipal Agriculturist Robert S. Savella a nangited ti bayad dagiti mannalon a nadidigraan ti mulada a pagay itay Wet Season 2017 (Hunio-Nobiembre) ken iti Dry Season 2017-2018.
Kanaig daytoy, impadamag ni Municipal Agriculturist Robert S. Savella a nasayaat ti panangipatungpal ti Philippine Crop Insurance Corporation (PCIC) para iti programa ti PCIC kadagitoy nadakamat a nagsaruno a Cropping Season kadagiti mannalon.
Innayon ti MAO nga awan ti rimsua a problema iti panangaksion ti PCIC kadagiti pakaseknan dagiti mannalon kadagiti “crop damages” a napabisita ken naipinal babaen iti panagtitinnulong dagiti maseknan a mannalon, Staff ti DA-LGU ken dagiti Adjuster ti PCIC nga adda iti babaen ti Departamento ti Agrikultura (DA).
Dagitoy nga aksion ken inisiatiba ket resulta iti nakammayet a programa ti Gobierno Munisipal nga idauluan ni Mayor Josh Edward S. Cobangbang ken iti DA-PCIC tapno matulongan ti kasasaad dagiti mannalon a naapektaran ti mulada iti kalamidad ken sakit. # (Web In-Action)
No comments:
Post a Comment